2023/09/19

Дэлгэрэнгүй

НҮБ болон Монгол Улсын Засгийн газар одоогоос эхлээд 2030 он хүртэлх хугацаанд боловсролыг хувирган өөрчлөх шинэ буюу шинэчилсэн, үндэсний түвшний алс хэтийн зорилтыг тодорхойлоход тус дөхөм үзүүлэх зорилгоор оролцоог хангасан үндэсний хэлэлцүүлэг зохион байгуулахыг зорьсон. Энэхүү хэлэлцүүлгийг БШУЯ, БСҮХ зохион байгууллаа. Үндэсний хэлэлцүүлэгт хүүхэд, залуучуудын, боловсролын, иргэний нийгмийн хэвлэл мэдээллийн үндэсний болон орон нутгийн төрийн захиргааны байгууллагын төлөөлөл болон аж ахуйн нэгж, бизнес эрхлэгчдийн төлөөлөл нийт 500 орчим хүн оролцож 5 чиглэлээр хэлэлцэж, давхардсан тоогоор нийт 1000 гаран санал гаргасан байна.

2023/07/31

Дэлгэрэнгүй

“Тогтвортой хөгжлийн боловсрол 2030: Монгол Улсын санаачилга”-ыг БШУЯ-ны мэргэжилтнүүд, БСҮХ-гийн эрдэм шинжилгээний ажилтнууд болон ЮНЕСКО-ийн Монголын Үндэсний комиссын дэмжлэгтэйгээр боловсруулсан. Уг санаачилгын бичгийн төслийг бусад яамд, агентлаг болон орон нутгийн төлөөлөлд танилцуулах, хэлэлцүүлэх, санал авах ажлыг танхимаар болон цахим хэлбэрээр зохион байгуулав. Энэхүү санаачилгад ЮНЕСКО-гоос удирдамж болгосон Замын зураглалыг баримтлан бодлогыг уялдуулах, суралцахуйн орчинг хувирган өөрчлөх, сурган хүмүүжүүлэгчдийн чадавхыг бий болгох, залуучуудад боломж, эрх мэдэл олгох, орон нутгийн түвшний үйлийг хурдасгах гэсэн үйлийн тэргүүлэх таван чиглэлийн хүрээнд хэрэгжүүлэх гол үйл ажиллагааг ялган тодорхойлсон болно.

2023/07/31

Дэлгэрэнгүй

6-21 настай хүүхэд залуучуудын хөгжлийн шалгуур, үзүүлэлтийг “Монголын хүүхэд, залуучуудын хөгжлийн шалгуур, үзүүлэлтийн технологийг сургалтын практикт нэвтрүүлэх нь” төслийн хүрээнд үндэсний хэмжээнд хийгдсэн судалгааны үр дүнд тулгуурлан боловсрууллаа. Шалгуур үзүүлэлт нь бие бялдар, танин мэдэхүйн хөгжил, нийгэмшлийн онцлогийг судалсан судалгааны дундаж үзүүлэлт, түүнд нөлөөлж байгаа хүчин зүйл дээр үндэслэгдсэн. Бие бялдрын шалгуур үзүүлэлт нь бие бялдрын хөгжил, бэлтгэлжилт гэсэн хөгжлийн 2 дэд бүрдлийг агуулна. Танин мэдэхүйн хөгжлийн шалгуур үзүүлэлт нь мэдээллийг хүртэж хүлээж авах, боловсруулах, задлан шинжлэх, нэгтгэн дүгнэх чадвар ба хэл ярианы хөгжил гэсэн хөгжлийн 2 дэд бүрдэлтэй. Нийгэмшлийн шалгуур үзүүлэлт нь өөртөө хандах хандлага, зан төлөв, сэтгэлийн хөдөлгөөн, харилцаа, ээнэгшилт, дасан зохицолт, үнэт зүйл, нийгмийн хэм хэмжээ гэсэн дэд бүрдлүүдээс бүрдэнэ.

2023/04/20

Дэлгэрэнгүй